ADIDAS ЈА ПРЕТСТАВИ LIFESTYLE КОЛЕКЦИЈАТА ИНСПИРИРАНА ОД 90-ТИТЕ

Новата линија носи со себе смели и уникатни примероци, ретро спортски детали во комбинација со колоритни и впечатливи бои.

Adidas ни ја претставува новата lifestyle колекција за есен/зима која изобилува со возбудлива и иновативна понуда „streetwear“ облека и обувки, а единствениот тренди стил кој ја поврзува модата и спортот со сигурност ќе ги воодушеви своите верни следачи.

Во оваа колекција посебно се издвојува облека инспирирана со урбан стил, маици во класични бои и предимензионирани исписи, како и патики кои дополнителни го ‘оживуваат’ познатиот adidas ретро стил, а целата колекција го обедини и зимското расположение преку модели со долги ракави, со внимателно одберени материјали за ладното време кое доаѓа.

Акцентот е ставен на машките и женски тренерки, маици, дуксери со класични црни, бели и тегет тонови, меѓутоа целата колекција е освежена и со многу впечатливи жолти и бордо нијанси.

‘Гломазните’ модели на патики и оваа сезона се во тренд кога се во прашање street style комбинациите. Моделите од новата adidas колекција може да се комбинираат со фармерки, женско одело, па и со вечерни фустани. Секој од новите adidas модели се надоврзува на трендовите од 90-тите години, а за инспирација е искористена асоцијација од големи удобни кошаркарски примероци. Првично на тоа потсетува висината, меѓутоа и самата гломазност на моделот, во кој ќе уживаат сите обожаватели на доминантни модни додатоци.