Семејните активности се сами по себе магични, а ако на тоа ја додадете и магијата на летото, знаете дека загарантирана e најдобра авантура. Опциите се безбројни, а наш совет е да ги оставите дневните активности за вечерта, бидејќи тие ќе добијат ново значење за вас и за вашите деца. Предлозите што ги имаме за вас се одлични за периодот пред зајдисонце, но и за раните или доцните вечерни часови. Едно е сигурно – сите овие активности гарантираат безброј спомени кои ќе ве натераат да го паметите ова лето долго време.
Погледнете ја нашата листа на топ 7 семејни активности што ќе ги направат летните денови (и ноќи) магични.
Уживајте во семејно ноќно пливање
Иако базените ни се прво прибежиште за време на жешките летни денови, ноќното пливање е нешто што дефинитивно треба да го доживеете со семејството. Дали тоа ќе го направите на базен или на море и езеро, не е важно, бидејќи сигурно ќе уживате во секој момент. Сè што треба да направите е да најдете соодветни летни модели за оваа авантура и подготвени сте за акција.
Направете забава во двор со осветлување
Замислете двор каде е темно и светло доаѓа само од посебни разиграни сијалички. Дури и возрасните не можат да останат имуни и да го сокријат своето задоволство од глетката. За да ви биде уште позабавно, осмислите игри без граници во кои ќе правите тимови според боите на светлото. Смеата и добрата забава се загарантирани!
Направете кино на отворено
Пријатните летни вечери се идеални за уживање во омилениот филм во кино на отворено, што можете да го направите во вашиот дом. Ако живеете во куќа, дворот е идеално место за тоа, додека оние што живеат во станови можат да импровизираат, па направете кино на тераса. Сè што ви треба е да создадете атмосфера што ќе одговара на сите, да изберете филм што ќе ве насмее и да уживате во ова дружење барем еднаш неделно во текот на летото.
Направете камперски оган и фантазирајте
Вечерите се многу попријатни покрај река или езеро, па зошто да не изберете вакво место со вашите деца за да направите камперски оган, да седите и да уживате раскажувајќи приказни и фантазии? Заборавете на мобилните телефони таа вечер – бидете посветени на себе и на моментот. Можете да зборувате за што сакате, бидејќи најважно е да си посветите време едни на други. Спакувајте сè што ви треба во торба или ранец и уживајте во долгите разговори.
Камп во дворот
Не, не сме збунети - навистина ви го предлагаме тоа! Особено ако не сте љубители на кампување во шума. Сè што треба да направите е да набавите мал шатор, да го поставите во дворот, да ги набавите сите потребни реквизити и да уживате во секој момент. Ќе биде незаборавна авантура за најмалите.
Гледајте го изгрејсонцето на плажа
Дали некогаш сте станале толку рано за да уживате во изгрејсонцето додека сте на море? Пробајте го тоа ова лето, бидејќи не може да се спореди со ништо друго. Прошетајте на плажа со звук на море и поглед кој никогаш нема да го заборавите!
Летото е идеално време за гледање на ѕвездите
Излезете од градот една ноќ. Одете таму каде што нема многу светлина, понесете ќебе и уживајте во гледањето на ѕвездите. Глетката може да биде толку нереална, што сигурно нема да и одолеете и ќе се впуштите во оваа авантура уште многу пати.
Дали ви се допаѓаат нашите предлози за летните денови и вечери? Сигурно ве потсетивме на некои што можеби сте ги заборавиле со текот на времето. Списокот може да биде подолг, а на вас е да го комплетирате со други спортски активности што можете да ги правите дома. Ќе уживате во секоја од нив и што е најважно, одделете ги вашите најмали од мобилните телефони и овозможете им интересно, авантуристичко и активно лето.
И, не заборавајте - најдете сè што ви треба од обувки, облека или опрема во нашиот online shop.
Тимот на Sport Reality
.png)
.jpg)
